Nassût intal Avost dal 2024, il Grup di Place XX di Setembar al è il prin grup imprenditoriâl de citât che al à sielt di digjitalizâsi, puartant in maniere direte lis ecelencis locâls intes cjasis di ducj. O metìn dongje lis miôr realtâts economichis di Udin intune suaze uniche, cul obietîf di jessi protagoniscj dal disvilup e de progjetazion dal compart economic di cheste place maraveose.

Un lûc di culture, turisim e cumierç
O volìn trasformâ Place XX di Setembar (che une volte e veve non Place dai Grans) intun centri pardabon creatîf e di condivision, bon di clamâ dongje citadins e turiscj cuntune ufierte che e va dai events culturâi, aes iniziativis comerciâls e ai progjets inovatîfs. Cu la digjitalizazion, o podìn conetisi in maniere direte cun voaltris, creant un puint tra il teritori e la comunitât.

Zontiti a nô!
Par fâlu, o vin bisugne di te: il to supuart, lis tôs ideis e la tô partecipazion a son fondamentâi. Ti domandìn di stânus daûr par restâ inzornât su dutis lis evoluzions dal grup, ma soredut di notâti te nestre newsletter. Tu varâs in anteprime no dome informazions sui nestris events, ma tu podarâs ancje gjoldi di sconts e promozions esclusivis, ufridis dai comerciants de place.

Nô o vin sielzût di meti la int tal centri. Tu sêstu pront a poiânus in cheste aventure?